RHOPOPOLA

RHOPOPOLA

Graece Ρ῾ωποπώλης, Gallice Espicier, qui merces omnes mixtas ac minutas vendit, quae Medicis, Pictoribus, Tinctoribus et Myrepsis conducunt. Latinis Seplasiarius, παντοπώλης. Marcellus,

Quodque ab Idumaeis vectum seplasia vendunt,

Et quidquid confert Medicis Lagaea Cataplus.

ῥωπὸς, quâ voce merces eiusmodi minutas ac mixta, Graeci appellabant, Hesychius. Ρ῾ωπὸς, ὁ λεπτὸς φόρτος, ὅςα ζωγράφοις, βαφφεῦςι, μυρεψοῖς, χρηςιμέυει; pleraque enim horum et fere omnia, quae Pictoribus, Tinctoribus et Myrepsis usui sunt, Medicis quoque utilitatem praestant, ac Medicinae in serviunt. Plures eiusmodi merces enumerat Vopiscus in Aureliano, c. 45. Vectigal Aegypto urbi Romae Aurelianus vitri, chartae, lini, stupae, atque anabolicas species aeternas constituit. Quae omnia Αἰγυπτίαν ἐμπολὴν vocabant Veteres. Hesychius, Αἰγυπτία ἐμπολὴ ὁ ῥῶπος; ex Aegypto enim istiusmodi merces advehebantur, quas γέλγην quoque Graeci, item γρύτην, appellavêre. Lucilius mictirem vel mictilem mercem vocat.

Pulmentaria, ut intybus, aut aliqua id genus herba,

Et ius maenarum, bene habet se, mictiris haec est

Merx, etc.

Vide Salmas. act Solin. p. 1050. et Not. ad Vopisc. d. l. ut supra ubi de Anobilicis Speciebus.